پُتراجایا (ملائشیا): صدر منہاج القرآن انٹرنیشنل پروفیسر ڈاکٹر حسین محی الدین قادری نے سرائے نشرالقرآن، پُتراجایا میں منعقدہ نمازِ جمعہ کے اجتماع سے خصوصی خطاب کیا۔
اپنے خطاب میں انہوں نے قرآن و سنت کی تعلیمات کی روشنی میں اصلاحِ نفس، تقویٰ، اخلاقی تطہیر اور روحانی بیداری جیسے اہم موضوعات پر جامع اور پُراثر گفتگو کی۔ انہوں نے کہا کہ فرد اور معاشرے کی حقیقی فلاح اسی وقت ممکن ہے جب انسان اپنی باطنی اصلاح پر توجہ دے اور تقویٰ کو اپنی زندگی کا محور بنائے۔
جمعۃ المبارک کی اس روحانی نشست میں مینیجنگ ڈائریکٹر منہاج ویلفیئر فاؤنڈیشن فیصل حسین، صدر منہاج ایشین کونسل عبد الرسول بھٹی، قائدینِ تحریک منہاج القرآن ملائشیا کے علاوہ بڑی تعداد میں عوام الناس نے شرکت کی۔
شرکاء نے خطاب کو فکری و روحانی اعتبار سے نہایت مفید قرار دیتے ہوئے اسے ایمان افروز اور رہنمائی سے بھرپور قرار دیا۔
تبصرہ