عرفان الاسلام مسجد و اسلامک سینٹر یانگجو (کھاریبی) میں ماہانہ درسِ عرفان القرآن کا انعقاد کیا گیا، جس میں منہاج القرآن انٹرنیشنل کے ڈائریکٹر ٹریننگ، محترم علامہ غلام مرتضیٰ علوی صاحب نے خصوصی خطاب فرمایا۔ یہ محفل علامہ ڈاکٹر رضا قادری صاحب اور لوکل ایگزیکٹو کونسل (کھاریبی) کی زیرِ سرپرستی و زیرِ انتظام منعقد ہوئی۔
محفل کا آغاز قاری حسن علی سعیدی صاحب کی پراثر تلاوتِ قرآنِ مجید سے ہوا، جس کے بعد نائب چیئرمین مجلسِ شوریٰ MQI کوریا محترم مردان علی قادری صاحب نے بارگاہِ رسالت مآب ﷺ میں عقیدت کے پھول نچھاور کرتے ہوئے نعتِ رسولِ مقبول ﷺ پیش کی۔
ڈائریکٹر ٹریننگ منہاج القرآن انٹرنیشنل علامہ غلام مرتضیٰ علوی صاحب نے درسِ عرفان القرآن میں نہایت علمی، فکری اور روحانی گفتگو فرمائی۔ انہوں نے قرآنِ مجید کے فہم و تدبر کی اہمیت پر روشنی ڈالتے ہوئے کہا کہ منہاج القرآن، شیخ الاسلام ڈاکٹر محمد طاہر القادری مدظلہ العالی کی قیادت میں دنیا بھر میں علمِ قرآن کو عام کر رہی ہے۔
محفل میں محترم مدثر علی چیمہ (چیئرمین، پاکستان بزنس ایسوسی ایشن)، محترم شہزاد علی بھٹی (صدر MQI کوریا)، محترم اسرارالحق (نائب صدر MQI کوریا)، محترم قاضی جاوید اقبال (نائب صدر MQI کوریا)، محترم زاہد سلہری (ناظمِ مالیات MQI کوریا)، محترم اصغر بانگی (منتظم منور مسجد یانگجو) سمیت مختلف مذہبی، سماجی اور کاروباری شخصیات نے شرکت کی۔
محفل کے دوران ترجمۃ القرآن کے حوالے سے خصوصی بریفنگ بھی دی گئی جسے حاضرین نے نہایت دلچسپی اور توجہ کے ساتھ سنا۔ آخر میں معروف بزنس پرسن محترم شیخ سونی صاحب کی جانب سے پرتکلف کھانے کا اہتمام کیا گیا۔
تبصرہ