سابق نگران وفاقی وزیر برائے مذہبی امور اور دنیا نیوز کے معروف پروگرام پیامِ صبح کے میزبان محترم انیق احمد نے منہاج القرآن اسلامک سینٹر کھوائی چنگ کا دورہ کیا۔ اس موقع پر صدر منہاج القرآن ہانگ کانگ اور ایگزیکٹو ممبران نے پرتپاک استقبال کیا۔
تقریب کا آغاز قاری محمد عثمان الترازی صاحب کی دلکش تلاوتِ قرآنِ مجید سے ہوا، جس کے بعد سید تنویر حسین شاہ صاحب نے بارگاہِ رسالت مآب ﷺ میں عقیدت بھرا نعتیہ کلام پیش کیا۔ استقبالیہ کلمات علامہ حافظ محمد نسیم نقشبندی صاحب نے ادا کیے اور تمام معزز مہمانانِ گرامی کا خیر مقدم کیا۔
محترم سعید الدین صاحب (چیئرمین بورڈ آف ٹرسٹیز)، محترم کیپٹن شہزادہ سلیم صاحب (سابق صدر پاکستان ایسوسی ایشن)، محترم قمر منہاس صاحب (سرپرست منہاج القرآن ہانگ کانگ)، محترم حاجی نجیب صاحب (صدر منہاج القرآن ہانگ کانگ) سمیت دیگر علما و تنظیمی رفقا شریک ہوئے۔
محترم انیق احمد صاحب نے اپنے خصوصی خطاب میں قرآنِ مجید سے تعلق کو مضبوط بنانے کی اہمیت پر نہایت پُر اثر گفتگو کی۔ انہوں نے منہاج القرآن اور شیخ الاسلام ڈاکٹر محمد طاہرالقادری کے ساتھ اپنے دیرینہ تعلق کا ذکر کرتے ہوئے اُن کی علمی و اصلاحی خدمات کو سراہا۔ تقریب کے اختتام پر انہوں نے شرکائے نشست کے مختلف سوالات کے جوابات دیے اور دعا کے ساتھ اس روحانی و علمی نشست کا اختتام ہوا۔
تبصرہ