پاکستان عوامی سوسائٹی کویت کے سیکرٹری جنرل انجنئیر آصف کمال نے کویت میں ملائیشیا کے سفیر عزت مآب جناب علاءالدین محمد نور سے ملاقات کی ہے اس ملاقات میں انجنئیر آصف کمال نے سفیر محترم کو دستور المدینہ منورہ کتاب کا تحفہ پیش کیا جس میں ڈاکٹر حسن محی الدین قادری نے تاریخ انسانی کے پہلے تحریری دستور یعنی میثاق مدینہ کا امریکی برطانوی اور یورپی دساتیر کے ساتھ تقابلی جائزہ پیش کر کے یہ ثابت کیا ہے کہ دستور مدینہ ہی وہ واحد دستور ہے جو تمام دستوری تقاضے پورے کرتا ہے اور جس پر چل کر مسلم ممالک اسلامی فلاحی ریاستیں تشکیل دے سکتے ہیں ڈاکٹر حسن محی الدین قادری کے مقالہ کو عالمی سطح پر مختلف ملکوں کے پروفیسرز ڈاکٹرز اور سکالرز نے دستوری میدان بالخصوص دستور مدینہ پر کی جانے والی تحقیقات میں ایک عظیم سنگ میل قرار دیا۔
کویت کے معروف پبلشر دارالضیاء نے اس کتاب کو شائع کرکے عربی لغہ کے جاننے والوں کو ایک بہت بڑا تحفہ دیا ہے ملائیشیا کے سفیر نے پاکستان عوامی سوسائٹی کویت کا شکریہ ادا کرتے ہوئے اس کتاب کے مصنف سے ملاقات کی خواہش کا اظہار کیا اور عالمی سطح پر اس مقالے کو ملنے والی پذیرائی پر ڈاکٹر حسن محی الدین قادری کو خراج تحسین پیش کیا۔
تبصرہ