منہاج القرآن انٹرنیشنل ساؤتھ افریقہ سے معزز مہمان مفتی سید ہارون الازہری، صدر کیپ ٹاؤن علماء بورڈ اور شیخ سید رضوان، سربراہ اہلِ سنت میڈیا نیٹ ورک افریقہ مرکز منہاج القرآن انٹرنیشنل لاہور تشریف لائے، جہاں ان کا پرتپاک استقبال کیا گیا۔ بعد ازاں اسسٹنٹ ڈائریکٹر نظامتِ امورِ خارجہ محترم طاہر مصطفیٰ نے معزز مہمانوں کو آغوش آرفن کیئرکمپلکس، منہاج انسٹیٹیوٹ آف قرات و تحفیظ، منہاج یونیورسٹی لاہور اور منہاج کالج فار ویمن کے مختلف شعبہ جات کا تفصیلی دورہ کروایا۔
دورے کے اختتام پر معزز مہمانوں کو مختلف تعلیمی، تربیتی اور فلاحی سرگرمیوں کے بارے میں بریفنگ دی گئی۔ معزز مہمانوں نے منہاج القرآن انٹرنیشنل کی تعلیمی، تربیتی اور فلاحی سرگرمیوں پر اطمینان اور خوشی کا اظہار کیا۔ انہوں نے ادارے کی مختلف شعبہ جات میں جاری خدمات کو سراہتے ہوئے ان کے لیے نیک خواہشات کا اظہار کیا۔
تبصرہ